Prezidan Rezèv Federal ameriken an, Jerome Powell fè konnen ke y’ap kontinye konbat enflasyon an seryezman. Li rekonèt tou, ke ogmantasyon to enterè yo pou reyalize objektif sa ka bay problèm. Mesye Powell, ki t ap pale nan konferans anyèl Bank Rezèv Federal Kansas City a, te souliye devouman enstitisyon an pou l met enflasyon an sou kontwòl epi mete aksan sou politik monetè li yo ki jiskaprezan pa ase pou atenn objektif yo pou bese pri yo kap monte.

Envestisè yo, bò kote pa yo, ap chèche endikasyon sou fason bank santral la ta ka jere yon seri konpwomi difisil pandan l ap chèche fè enflasyon desann soti nan yon nivo san presedan depi 40 ane. Bank santral la vle bese enflasyon pandan y ap eseye minimize risk ki plane sou ekonomi peyi a, ak ogmantasyon to chomaj la, ki nan nivo k pi ba depi 50 ane.

Chèf bank santral Ameriken an te avèti tou ke peyi ya nan wout pou yon peryòd douloure nan yon kwasans ekonomik lan ak pètèt chomaj k’ap monte pandan Rezèv Federal la ap ogmante to enterè yo pou konbat gwo enflasyon sila.